«Бала дамуы – бірлескен еңбек» тренинг-сабағы өтті

Жетісай ауданының білім бөліміне қарасты "№11"Жеңіс" мектеп -гимназия" коммуналдық мемлекеттік мекемесінде, «Кәсіби қоғам баршаға тең мүмкіндіктен басталады» атты онкүндіктің жоспарына сәйкес,бүгін
«Бала дамуы – бірлескен еңбек» тренинг-сабағы өтті.
Ата-ана мен мұғалім – баланың дамуына жол ашатын қос қанат. Осы мақсатта ұйымдастырылған тренинг сабақта ата-аналармен ашық әңгіме өрбіп, бала тәрбиесіндегі ортақ құндылықтар талқыланды.
Психологиялық жаттығулар,өзара пікір алмасу болды.
Ата-аналармен өткен бүгінгі тренинг – баланың дамуы мен тәрбиесінде мектеп пен отбасының рөлі ерекше екенін тағы бір дәлелдеді. Қатысушылар тәжірибе алмасып, түрлі психологиялық жаттығуларға белсене қатысты.
Оқушылар ұлттық өнерімізді дәріптеп, күй шертіп, би билеп, көпшіліктің көңілінен шықты.
Ерекше қажеттіліктері бар балалар туралы әсерлі фильм көрсетіліп, қатысушыларды терең ойға қалдырды.
Осындай шаралар ата-аналармен байланысты нығайтып қана қоймай, бала тәрбиесіндегі серіктестікті күшейтеді.
Бала – болашақ. Оған қолдау мен түсіністік қажет.
Ұйымдастырушылар: Арнайы педагог: А.Пернеева
Педагог-логопед: З.Дәуірхан