26
январь
2019
Әсерге толы Ыстамбұл!
Әсерге толы Ыстамбұл!
Облыстық білім басқармасының шешімімен тәжірибе алмасу мақсатында ағымдағы жылдың қаңтар айының 9-14 күндері аралығында Түркістан облысының 40-тан аса ұстаздары Түркия мемлекетінің Ыстамбұл қаласына іс-сапармен барып қайттық. Халықаралық бағдарлама Қазақстан Республикасының Президенті Нұрсұлтан Әбішұлы Назарбаевтың 2018 жылғы жолдаудағы тапсырмасы мұғалім мәртебесін көтеру аясында іске асырылды. Сапар барысында белді оқу орындарын аралап, алдыңғы қатарлы ұстаздардан дәріс алдық.
Қойнауы сан мыңдаған ғасырларға созылған тарихы аса бай мәдениет пен салт-дәстүрге толы Ыстамбұл шығыс Түркияның ең ірі және бас қаласы екендігі баршамызға мәлім. Азия мен Еуропаның түйіскен жерінде орналасқан бұл шаһар 2018 жылы Еуропаның мәдени астанасы болды.
Ең алдымен бұл іс-сапар әріптестіктің жаңа деңгейіне алмасу мақсаттарын ынталандыруға, алыс және таяу шетелдердегі әр түрлі деңгейдегі (орта, арнайы, жоғары) оқу орындарымен білім саласындағы қатынастарды одан әрі нығайтуға, сонымен қатар өз елімізде білім беру саласындағы инновациялық, заманауи мүмкіндіктердің арта түсуіне ықпал еткендігін атап айтқым келеді.
Анадолы жеріне табан тіреген біз сапардың ең алғашқы күні Абай Құнанбаев атындағы мектепке ат басын бұрдық. Бізді Ұлы Абай Құнанбаев атымен аталатын оқу орнының болғаны ерекше мақтаныш сезімге бөледі. Заманауи үлгідегі мемлекеттік мекемеде білім берудің жаңа технологияларымен танысып, көптеген мәліметтерге қанық болдық. Мұнда сабақтар көбінесе ағылшын, түрік тілдерінде өтеді. Айта кетерлігі, Түркияда оқу жылы 15 қыркүйектен басталып, 15 маусымда аяқталады. Мемлекеттік, жекеменшік және кешкі мектептер бар. Оқу жылы 2 жарты жылдыққа бөлінеді. Апталық жүктемеге 20-24 сағат ағылшын тілі, 5-9 сағат неміс тілі енгізілген. Таңдау пәндеріне сай ата-аналар балаларына дін, аспаздық, өнер сабақтарын үйретуге құқылы. Қыздар мен ер балалар бөлек сыныптарда білім алады. Шахмат пәні аптасына 8 сағат өткізіледі. Робототехника мектеп қабырғасында міндетті саналады. Дене шынықтыру сабағының 10-12 сағаты бассейінге арналған. Діни мазмұндағы сабақтарға басымдылық берілген. Сонымен қоса сауда ісі, сауда ісін жүргізу мамандықтары бойынша дәрістер жүргізіледі.
Сапарымыздың жалғасы Түркияның белгілі білім ордаларының бірі саналатын Doga колледжінде жалғасты. 2002 жылы ашылған 124 оқу кампусы, 85 мың оқушысы бар колледжде жұмыс істейтін мұғалімдердің және басқа да маман, қызметкерлерлерінің саны-15000. Студенттер техникалық білімдерімен, ғылыми ізденістерімен, халықаралық жетістіктерімен ерекшеленеді.
Түркияда орта білім беретін жеке меншік оқу орындарының үлесі алты пайыз. Doga мектептері осының үш пайызын құрайды. Білім беруде классикалық білім беру жүйесін қолданбайды. Оқушылар мен мұғалімдер арасында берік, әрі еркін қарым-қатынас орнаған. Осы мектептің білім беру жүйесі Еуропада тәжірибеден өткен. Мектеп оқушылардың ойлау, баланың жеке тұлғалық және баламалық және өмірлік білім беру жүйелері бойынша жұмыс жасайды. Бұл оқу ордасының басты ерекшелігі десе де болады.
Негізі оқушылар үш жасында білім ала бастайды. Оқу, жазу және түсінуді үйренеді. Бес жасында оқу мен жазуды ары қарай дамытады. Бес жастағы балаларға 18 сағаттан тұратын ағылшын тіліндегі оқу бағдарламасы белгіленген. Мектепте оқу мен жазуды білетін және керісінше оқу мен жазуды білмейтін екі топ құрылған.
Бес жасқа дейінгі және бастауыш сыныптарға арналған оқу бағдарламаларында түрік тілі, математика, оқу және жазу, жазуға дайындық, драма, музыка, көркемөнер, дене шынықтыру және ойын сабақтары бар. Бұлардың барлығы Түркия білім беру жүйесінде жүзеге асырылатын, оқытылатын негізгі сабақтар болып табылады. Сонымен қатар Doga мектептерінде оқытылатын тәжірибе ательесі, робототехника, дұрыс ойлау қабілетін арттыру, шығарма жазу жолдарын үйрету сияқты сабақтар да бар. Сабақтарда пайдаланылатын оқулықтарды мұғалімдер өздері ағылшын тілінде дайыдайды.
Doga мектептерінде ағылшын тілі бірінші сыныптан бастап оқытылады. Бастауыш сыныптарда ағылшын тілі 14 сағатты құрайды, ал бір жылда 1054 сағат ағылшын тілі оқытылады. Орта мектеп 5, 6, 7 және 8 сыныптардан құралған.
Бастауыш және орта мектептердегі дін сабақтары баланың өз ойын еркін жеткізуіне, сыни тұрғыдан ойлау қабілетін арттыруға және тұлға ретінде қалыптасуына ықпал етеді.
Сондай-ақ бұл мектептің лицей бөлімінде 9-12 сынып оқушылары білім алады. Бұл сыныптардағы оқушылар оқып-білгендерін жоба түрінде жүзеге асырып, пәндік лабороторияларда тәжірибеден өткізеді. Мұндай жүйе олардың жоғарғы оқу орындарына оқуына, ғылыми негізде жаңа технологияды игеруге зор мүмкіндік туғызады. Бәрімізге белгілі Timss, PISA зерттеулерімен қатар DOGA емтиханына дайындық жұмыстары жүргізіледі. Емтихан тапсырмаларын орындауға арналған жұмыс дәптерін мұғалімдер өздері дайындап отырады. Емтихан түрі оқушылардың оқу барысында меңгерген білімдері мен дағдыларын өмірлік жағдайларда қолдана білу ептіліктерін бағалауға бағытталған. Яғни оқушылардың зерттеушілік, шығармашылық қабілеттерінің артуына, ақпараттық-коммуникациялық технологияларды меңгеруге құзыреттіліктерінің дамуына септігін тигізеді.
Түркия мемлекетіндегі білім ордаларында, оның ішінде біз барған Doga мектебінде психолог мамандарының жұмысы жақсы жолға қойылған. Бастауыш сыныптарда, орта бөлім мен лицей бөлімінде екі психологтан жалпы саны алты психолог бар. Оқушылар да, олардың ата-аналары да мектеп психологтарымен үнемі байлыныста. Бұл олардың эмоционалды-психологиялық жағдайын қадағалап отыруға зор ықпалын тигізеді.
Мектептерге іс-сапарымызда Түркиядағы Қазақстан консулы Б.Абдрахманов мырза елімізге деген бауырлас түрік елінің көрсетіп отырған зор құрметіне және екі ел арасындағы ынтымақтастықты нығайту жолындағы игі істеріне, әсіресе білім саласындағы байланыстарды дамытуға деген ниеттеріне ризашылығын білдіре отырып, мектеп басшыларына ұлттық нақыштағы сый-сияпаттарын табыс етті. Облыстық білім басқармасы да мектеп ұжымына ұлтымызды танытатын қасиетті қара домбыраны сыйға тарты.
Түйіндеп айтар болсақ, бұл іс-сапардан біз өзімізге көп қажетті ақпарат алып, тәжірибе алмасып, тағылым алып қайттық.
Іс-сапар барысында болған екі мектептің де шәкірттерге білім беруде, тәрбиелеуде өзіндік ерекшеліктері бар. Ең алдымен мұнда білім алушыларға еркіндік берілген. Ойлау еркіндігі, өз ойын жеткізе білу еркіндігі. Бұл қазіргі заманға сай тұлға тәрбиелеуде өте маңызды деп санаймын. Оқушылардың мектеп формасын киюіне де еркіндік берілген. Тағы бір назар аударарлық нәрсе, ол мектеп ішін безендіру жағы болды. Қабырғаларда сол мектеп оқушыларының қолынан шыққан шығармашылық бұйымдары, суреттері ілініп қойылған.
Осы іс-сапарды ұйымдастырған облыс әкімі Жансейіт Қансейтұлы Түймебаевқа және Қазақстан Республикасы бас консулы Бауыржан Абдрахмановқа Жетісай ауданының ұстаздары ерекше алғысымызды білдіреміз.
«№11 «Жеңіс» мектеп-гимназия» коммуналдық мемлекеттік
мекемесінің директоры Г. Убайдина
Облыстық білім басқармасының шешімімен тәжірибе алмасу мақсатында ағымдағы жылдың қаңтар айының 9-14 күндері аралығында Түркістан облысының 40-тан аса ұстаздары Түркия мемлекетінің Ыстамбұл қаласына іс-сапармен барып қайттық. Халықаралық бағдарлама Қазақстан Республикасының Президенті Нұрсұлтан Әбішұлы Назарбаевтың 2018 жылғы жолдаудағы тапсырмасы мұғалім мәртебесін көтеру аясында іске асырылды. Сапар барысында белді оқу орындарын аралап, алдыңғы қатарлы ұстаздардан дәріс алдық.
Қойнауы сан мыңдаған ғасырларға созылған тарихы аса бай мәдениет пен салт-дәстүрге толы Ыстамбұл шығыс Түркияның ең ірі және бас қаласы екендігі баршамызға мәлім. Азия мен Еуропаның түйіскен жерінде орналасқан бұл шаһар 2018 жылы Еуропаның мәдени астанасы болды.
Ең алдымен бұл іс-сапар әріптестіктің жаңа деңгейіне алмасу мақсаттарын ынталандыруға, алыс және таяу шетелдердегі әр түрлі деңгейдегі (орта, арнайы, жоғары) оқу орындарымен білім саласындағы қатынастарды одан әрі нығайтуға, сонымен қатар өз елімізде білім беру саласындағы инновациялық, заманауи мүмкіндіктердің арта түсуіне ықпал еткендігін атап айтқым келеді.
Анадолы жеріне табан тіреген біз сапардың ең алғашқы күні Абай Құнанбаев атындағы мектепке ат басын бұрдық. Бізді Ұлы Абай Құнанбаев атымен аталатын оқу орнының болғаны ерекше мақтаныш сезімге бөледі. Заманауи үлгідегі мемлекеттік мекемеде білім берудің жаңа технологияларымен танысып, көптеген мәліметтерге қанық болдық. Мұнда сабақтар көбінесе ағылшын, түрік тілдерінде өтеді. Айта кетерлігі, Түркияда оқу жылы 15 қыркүйектен басталып, 15 маусымда аяқталады. Мемлекеттік, жекеменшік және кешкі мектептер бар. Оқу жылы 2 жарты жылдыққа бөлінеді. Апталық жүктемеге 20-24 сағат ағылшын тілі, 5-9 сағат неміс тілі енгізілген. Таңдау пәндеріне сай ата-аналар балаларына дін, аспаздық, өнер сабақтарын үйретуге құқылы. Қыздар мен ер балалар бөлек сыныптарда білім алады. Шахмат пәні аптасына 8 сағат өткізіледі. Робототехника мектеп қабырғасында міндетті саналады. Дене шынықтыру сабағының 10-12 сағаты бассейінге арналған. Діни мазмұндағы сабақтарға басымдылық берілген. Сонымен қоса сауда ісі, сауда ісін жүргізу мамандықтары бойынша дәрістер жүргізіледі.
Сапарымыздың жалғасы Түркияның белгілі білім ордаларының бірі саналатын Doga колледжінде жалғасты. 2002 жылы ашылған 124 оқу кампусы, 85 мың оқушысы бар колледжде жұмыс істейтін мұғалімдердің және басқа да маман, қызметкерлерлерінің саны-15000. Студенттер техникалық білімдерімен, ғылыми ізденістерімен, халықаралық жетістіктерімен ерекшеленеді.
Түркияда орта білім беретін жеке меншік оқу орындарының үлесі алты пайыз. Doga мектептері осының үш пайызын құрайды. Білім беруде классикалық білім беру жүйесін қолданбайды. Оқушылар мен мұғалімдер арасында берік, әрі еркін қарым-қатынас орнаған. Осы мектептің білім беру жүйесі Еуропада тәжірибеден өткен. Мектеп оқушылардың ойлау, баланың жеке тұлғалық және баламалық және өмірлік білім беру жүйелері бойынша жұмыс жасайды. Бұл оқу ордасының басты ерекшелігі десе де болады.
Негізі оқушылар үш жасында білім ала бастайды. Оқу, жазу және түсінуді үйренеді. Бес жасында оқу мен жазуды ары қарай дамытады. Бес жастағы балаларға 18 сағаттан тұратын ағылшын тіліндегі оқу бағдарламасы белгіленген. Мектепте оқу мен жазуды білетін және керісінше оқу мен жазуды білмейтін екі топ құрылған.
Бес жасқа дейінгі және бастауыш сыныптарға арналған оқу бағдарламаларында түрік тілі, математика, оқу және жазу, жазуға дайындық, драма, музыка, көркемөнер, дене шынықтыру және ойын сабақтары бар. Бұлардың барлығы Түркия білім беру жүйесінде жүзеге асырылатын, оқытылатын негізгі сабақтар болып табылады. Сонымен қатар Doga мектептерінде оқытылатын тәжірибе ательесі, робототехника, дұрыс ойлау қабілетін арттыру, шығарма жазу жолдарын үйрету сияқты сабақтар да бар. Сабақтарда пайдаланылатын оқулықтарды мұғалімдер өздері ағылшын тілінде дайыдайды.
Doga мектептерінде ағылшын тілі бірінші сыныптан бастап оқытылады. Бастауыш сыныптарда ағылшын тілі 14 сағатты құрайды, ал бір жылда 1054 сағат ағылшын тілі оқытылады. Орта мектеп 5, 6, 7 және 8 сыныптардан құралған.
Бастауыш және орта мектептердегі дін сабақтары баланың өз ойын еркін жеткізуіне, сыни тұрғыдан ойлау қабілетін арттыруға және тұлға ретінде қалыптасуына ықпал етеді.
Сондай-ақ бұл мектептің лицей бөлімінде 9-12 сынып оқушылары білім алады. Бұл сыныптардағы оқушылар оқып-білгендерін жоба түрінде жүзеге асырып, пәндік лабороторияларда тәжірибеден өткізеді. Мұндай жүйе олардың жоғарғы оқу орындарына оқуына, ғылыми негізде жаңа технологияды игеруге зор мүмкіндік туғызады. Бәрімізге белгілі Timss, PISA зерттеулерімен қатар DOGA емтиханына дайындық жұмыстары жүргізіледі. Емтихан тапсырмаларын орындауға арналған жұмыс дәптерін мұғалімдер өздері дайындап отырады. Емтихан түрі оқушылардың оқу барысында меңгерген білімдері мен дағдыларын өмірлік жағдайларда қолдана білу ептіліктерін бағалауға бағытталған. Яғни оқушылардың зерттеушілік, шығармашылық қабілеттерінің артуына, ақпараттық-коммуникациялық технологияларды меңгеруге құзыреттіліктерінің дамуына септігін тигізеді.
Түркия мемлекетіндегі білім ордаларында, оның ішінде біз барған Doga мектебінде психолог мамандарының жұмысы жақсы жолға қойылған. Бастауыш сыныптарда, орта бөлім мен лицей бөлімінде екі психологтан жалпы саны алты психолог бар. Оқушылар да, олардың ата-аналары да мектеп психологтарымен үнемі байлыныста. Бұл олардың эмоционалды-психологиялық жағдайын қадағалап отыруға зор ықпалын тигізеді.
Мектептерге іс-сапарымызда Түркиядағы Қазақстан консулы Б.Абдрахманов мырза елімізге деген бауырлас түрік елінің көрсетіп отырған зор құрметіне және екі ел арасындағы ынтымақтастықты нығайту жолындағы игі істеріне, әсіресе білім саласындағы байланыстарды дамытуға деген ниеттеріне ризашылығын білдіре отырып, мектеп басшыларына ұлттық нақыштағы сый-сияпаттарын табыс етті. Облыстық білім басқармасы да мектеп ұжымына ұлтымызды танытатын қасиетті қара домбыраны сыйға тарты.
Түйіндеп айтар болсақ, бұл іс-сапардан біз өзімізге көп қажетті ақпарат алып, тәжірибе алмасып, тағылым алып қайттық.
Іс-сапар барысында болған екі мектептің де шәкірттерге білім беруде, тәрбиелеуде өзіндік ерекшеліктері бар. Ең алдымен мұнда білім алушыларға еркіндік берілген. Ойлау еркіндігі, өз ойын жеткізе білу еркіндігі. Бұл қазіргі заманға сай тұлға тәрбиелеуде өте маңызды деп санаймын. Оқушылардың мектеп формасын киюіне де еркіндік берілген. Тағы бір назар аударарлық нәрсе, ол мектеп ішін безендіру жағы болды. Қабырғаларда сол мектеп оқушыларының қолынан шыққан шығармашылық бұйымдары, суреттері ілініп қойылған.
Осы іс-сапарды ұйымдастырған облыс әкімі Жансейіт Қансейтұлы Түймебаевқа және Қазақстан Республикасы бас консулы Бауыржан Абдрахмановқа Жетісай ауданының ұстаздары ерекше алғысымызды білдіреміз.
«№11 «Жеңіс» мектеп-гимназия» коммуналдық мемлекеттік
мекемесінің директоры Г. Убайдина