«МӘҢГІЛІК ЕЛ» ҰЛТТЫҚ ИДЕЯСЫНА НЕГІЗДЕГЕН БІЛІМ БЕРУ МЕН ОҚЫТУДАҒЫ ЖАҢАШЫЛ КОНЦЕПЦИЯЛАР

2021 жылдың 16 қазаны күні № 11 "Жеңіс" мектеп-гимназиясының базасында сүбелі семинар өтілді. Семинар мақсаты мұғалімдердің кәсіби білімін толықтыру және әдістемелік қолдау көрсету болды. Семинарға Педагогика ғылымдарының магистрі, "Білім беру технологиялары" кафедрасының аға оқытушысы Нұржан Сапарханұлы арнайы шақырылып, өз тәжірибесімен бөлісті. Ол жаңартылған білім беру мазмұны және мұғалімдердің біліктілігін арттыру бойынша тренер, Назарбаев университетінің, Педагогикалық шеберлік орталығы мен Англияның Кембридж университеті арасындағы бірлескен тренерлерді даярлау курсын аяқтаған, Германияның Дюссельдорф, Хаген, Дортмунд, Дуйсбурк, қалаларында Оқыту технологиялары бойынша тағылымдамадан өткен шебер маман екенін жиын барысында өз білімімен көрсетті.
Ұжым мұғалімдерімен екі сағаттан астам уақытқа ұласқан мағыналы сабақ барысында ол өзінің тиімді әдіс-тәсілдері арқылы педагог қауымның өздерін сын тұрғысынан ойлау деңгейлерін ұштау мақсатында өте тартымды тәсілдерді қолдана отырып, тәжірибемен оңтайлы формада ұштастырды.
Жас келсе іске дегендей, Нұржан Сапарханұлы өзінің игерген әлемдік тәжірибесімен бөлісіп, ұстаздар құрметіне бөленді.
Алдағы уақытта да осындай жиындарды жүйелі түрде жоспарлау арқылы мектеп мұғалімдерінің кәсіби біліктілігін көтеруді міндет санаған мектеп директоры Г.Убайдина жиынды қорытындылап, семинар қонақтары - Нұржан Сапарханұлына, Ләззат Усмановнаға және Разия Орынбасарқызына алғысын жеткізді.