ҚҰҚЫҚБҰЗУШЫЛЫҚ ҚОҒАМҒА ТӨНГЕН ҚАУІП!

Жетісай аудандық білім бөліміне қарасты №11 "Жеңіс" мектеп-гимназиясының 11 сынып оқушыларына ИДН (ішкі істер органдарының кәмелетке толмағандар істері жөніндегі инспекциясы) қызметкерлерімен жиналыс өтті. Мақсаты: Құқықбұзушылықтың алдын алу. Оқушыларды заңға құрметпен қарауға тәрбиелеу. Қоғамда жауапты азамат болуға баулу. Жиын барысында құқыбұзушылықтың алдын алу жолдары, дұрыс өмір салты туралы талқылау жүрді. ДТЖЖО К.Баймурзина жасөспірімдердің міндеті - сабаққа келу, мектеп формасын кию жөнінде қатаң ескертті. Педагог-психолог Ж.Бижигитова бір сәттік ойсыз әрекет өмірімізге өкініш әкелуі мүмкін деп, әр бір оқушы өз ісімізге жауапты болуымыз керек екенін туралы бағыт-бағдар берді. ИДН (ішкі істер органдарының кәмелетке толмағандар істері жөніндегі инспекциясы) қызметкерлері полиция лейтенанты Ануарбек Жандос Қалмырзаұлы мен полиция капитаны Абдусапар Асқар Нұрқуатұлы заң алдындағы міндеттермен таныстырды. Білім алушыларға нашақорлық пен оның зияны және құқықбұзушылықтың салдары, лудомания (құмар ойынға тәуелділік), буллинг пен әлімжеттіктің зияны, зорлық-зомбылықтың алдын алу, жол жүру қауіпсіздігі қағидалары туралы кеңінен түсіндірді. "Заңды сыйлаймыз - болашағымызды қорғаймыз!" атты ұранды ұстануға шақырды.