Айқанат олимпиадасы

IQanat олимпиадасының республикалық кезеңіне N11"Жеңіс" МГ дарынды оқушысы жолдама алды!

Жаңа білім беру бағдарламасы ҚР Білім және ғылым министрлігінің және қазақстандық кәсіпкерлердің қолдауымен жүзеге асып отыр. Негізгі мақсаты – ауылды жерлердегі зерек балаларды қолдау, олардың отандық және шетелдік университеттерде білім алуына мүмкіндік беру. Білім және ғылым министрлігінің 24.05.18 жылғы №226 бұйрығымен IQanat олимпиадасы республикалық олимпиадалар тізіміне кірді және бірегей білім сайысы 4 пән бойынша өткізіледі: математика, физика, ағылшын тілі, әдебиет ("Эрудит" эссе сайысы). Оқушы 1 немесе 2 бағытты таңдай алады.
Бұл оларды мектептерде оқытудың кейінгі екі жылы ҚР және әлем университеттеріне түсуге дайындық мақсатында бағдарламаның қамқорлығында болады.
Осындай мега жобаның, яғни, IQanat олимпиадасының республикалық кезеңіне жолдама алған 9В сынып оқушысы Көбей Сымбатты құттықтаймыз!!! Ағымдағы жылдың маусым айында Көкшетау қаласында өтілетін респ.кезеңде дарынды оқушымыз өз білімін жоғары деңгейде көрсетіп қайтады деген сенімдеміз. Осындай озат оқушыға тиянақты білім берген пән мұғалімдеріне, сын.жет.Ш.Момбековаға және де аялап өсірген ата-анасына алғыс айтамыз.

Мектеп ұжымы.