РЕСПУБЛИКАЛЫҚ ТІЛДІК ОЛИМПИАДА ЖЕҢІМПАЗДАРЫ

Жуырда Қазақстан Республикасы Оқу-ағарту министрлігінің «Дарын» республикалық ғылыми-практикалық орталығы ұйымдастырған «Тіл – тәуелсіздік тұғыры» атты өзге ұлт өкілдері арасындағы қазақ тілі пәні бойынша республикалық олимпиадасы өтті. Олимпиадаға қатысқан 5 сынып оқушысы Луковенко Валерия және 10 сынып оқушысы Луковенко Мария жүлделі 3-орынды иеленді. Бұл – оқушылардың қазақ тіліне деген қызығушылығы мен тілді меңгерудегі табандылығының, сонымен қатар жетекшісі Мырзагелдиева Маржан Құдайбергенқызының еңбегінің нәтижесі.
Тілге деген сүйіспеншілік пен талпыныс – әрбір оқушының үлкен жетістікке жетуінің бастауы болғаны қуанарлық жағдай. Мектеп оқушыларына білім байқауларында табыс тілейміз.