"ЖАСАНДЫ ИНТЕЛЛЕКТ ЖӘНЕ МҰҒАЛІМ: СЕРІКТЕСТІК ПЕН БӘСЕКЕЛЕСТІК" ОБЛЫСТЫҚ ШЕБЕР-СЫНЫП ӨТТІ

Түркістан облысы білім беруді дамыту орталығының "Цифрландыру – білім берудегі жаңа негізгі бағыт" онкүндігі аясында "Жасанды интеллект және мұғалім: серіктестік пен бәсекелестік" тақырыбында 2025 жылдың 25 сәуірі күні "№11" Жеңіс " мектеп-гимназия" коммуналдық мемлекеттік мекемесінде облыстық шебер- сынып өтті.
Ұлы Жеңістің 80 жылдығына арналған концерттік бағдарламамен ашылып, "Әлемді танып-білу: білім, тәжірибе, жаңалықтар" атты ғылыми жоба көрмесі қойылып, "Роботтар әлеміне саяхат" айдарымен жалғасты.
Шебер- сынып барысында, информатика пәні мұғалімдері: Г. Карсыбаева шебер-сынып, Р.Дербисбекова, Е.Жолдасбеков, А.Аширханов, М.Сманова, А.Оспанова және Ұ.Акынова ашық сабақтарында жасанды интеллекттің білім беру саласындағы жаңа мүмкіндіктері мен шектеулері жан-жақты көрсетті.
Іс-шараға Түркістан облыстық білім басқармасының информатика пәні әдіскері Д.Саипов, Жетісай аудандық білім бөлімінің әдіскері М.Әуелбекұлы және облыстың 14 ауданынан келген информатика пәні әдіскерлері мен мұғалімдері қатысып, жасанды интеллектпен серіктестік пен бәсекелестіктің білім беру саласындағы жаңа мүмкіндіктері кеңінен талқыланды.
Мақсаты: мұғалімдердің жасанды интеллект (ЖИ) технологиялары туралы түсінігін кеңейтіп, оларды білім беру үдерісінде тиімді пайдалануға үйрету, ЖИ-дің мұғалімдермен серіктес болу және бәсекелестікке түсу аспектілерін талқылау арқылы педагогтың рөлін қайта пайымдау.
Білім мен технология қатар дамыған заманда мұғалім мен жасанды интеллекттің серіктестігі — табысты болашақтың кепілі!