«МЕКТЕПТЕРГЕ АРНАЛҒАН PISA» ХАЛЫҚАРАЛЫҚ ЗЕРТТЕУІ ӨТТІ

Бүгін мектептің 15 жастағы білім алушылары әлемдік білім беру жүйесіндегі сенімді зерттеулердің бірі - «Мектептерге арналған PISA» халықаралық зерттеуіне қатысты.
Мектептен жалпы негізгі құрам бойынша 50 оқушы тест тапсырды. Математикалық сауаттылық, оқу сауаттылығы, жаратылыстану ғылымдары бойынша білім деңгейін, дағдыларын және қабілеттерін анықтайтын сұрақтар бойынша жауап беріп шыққан оқушылар өз ойларымен бөлісті. Сұрақтардың ауқымы көп деңгейлі екендігін, өмірде қолдана алуға қажетті есептерден құрылғандығын, сауалнамадағы сұрақтардың көпшілік ортаға бейімделуін зерттейтін ерекше форматта тапсырылған маңызды зерттеу екендігін атап шықты.