ӨСЕТІН ЕЛДІҢ ҚАРТЫ-ҚАЗЫНА БОЛАР

Қарттар-біздің асыл қазынамыз. Жыл сайын қарттарымыздың ғұмыр бойы істеген еңбектеріне әрі мемлекетіміздің қалыптасуына қосқан зор үлестеріне сай сый-құрмет көрсетіледі. Биыл да мерейлі мерекеде
N11"Жеңіс" мектеп-гимназия" мемлекеттік мекемесінде қарттар күніне орай іс-шара өткізілді. Ардагер ұстаздарға алғыс айтып, елеулі еңбектерін жас ұрпаққа насихаттау мақсатында ұйымдастырылған іс-шараға аяулы ұстаздар Ибрагимова София Каримовна, Абдраева Жібек апай, Пак Валентина Харитоновна, Тілеубаева Үрзада апай және ата-аналар комитеті төрағасының орынбасары Төрегелдиев Жаңабай мырза қонақ ретінде шақырылды. Аталған іс-шарада ардагер ұстаздардың мектеп қабырғасында жүрген сәттерінен арнайы бейнероликтер, оқушылар үшін рухани азық болатындай сұхбаттар ұйымдастырылды. Сонымен қатар "Өнегелі қарт бар жерде - өнерлі жаста көп" демекші мектеп оқушылары домбыра, қобыз секілді ұлттық саз аспаптарында түрлі күйлер орындап, өз шығармашылықтарын тарту етті.
Мектеп директоры Убайдина Гүлжан Тұрарбекқызы жастық шағын бала тәрбиесіне арнаған, еліміздің гүлденуі мен өркендеп дамуына маңдай терін төккен аяулы, ардагер ұстаздарға алғысын айтып, денсаулық, отбастарына амандық тіледі.
Қашанда үлкені сыйлау, қарияны құрметтеу дәстүрі-қазақ халқының ата салты.