“ЖАЗҒЫ ДЕМАЛЫС КЕЗІНДЕГІ ҚАУІПСІЗДІК ЕРЕЖЕЛЕРІ” ТАҚЫРЫБЫНДА БІРЫҢҒАЙ ЖЕКЕ ҚАУІПСІЗДІК ШАРАЛАРЫ БЕЙНЕРОЛИК АРҚЫЛЫ ТҮСІНДІРУ ЖҰМЫСТАРЫ ЖҮРГІЗІЛДІ

Жетісай ауданының білім бөліміне қарасты
"№11 «Жеңіс» мектеп-гимназия» коммуналдық мемлекеттік мекемесінде 2026 жылдың 18 мамыр күні 5-сынып оқушыларына арналған жазғы қауіпсіздік нұсқаулығы аясында «Қауіпсіз жаз – бақытты жаз» тақырыбында бейнеролик көрсетіліп, түсіндіру жұмыстары ұйымдастырылды.
Іс-шараның негізгі мақсаты – оқушылардың өмір қауіпсіздігін сақтау, жазғы демалыс кезінде кездесетін қауіп-қатердің алдын алу және балалардың жауапкершілік сезімін қалыптастыру.
Кездесу барысында оқушыларға жаз мезгіліндегі қауіпсіздік ережелері жан-жақты түсіндірілді. Атап айтқанда:
– суда шомылу кезіндегі қауіпсіздік;
– жолда жүру ережелері;
– өрт қауіпсіздігі;
– табиғат аясында өзін дұрыс ұстау тәртібі туралы маңызды ақпараттар берілді.
Бейнеролик арқылы оқушылар қауіпсіздік ережелерімен танысып, өз ойларын ортаға салып, қойылған сұрақтарға белсенді түрде жауап берді. Іс-шара балалардың қауіпсіздік мәдениетін қалыптастыруға және сақтық шараларын есте ұстауға бағытталды.
Қауіпсіздік – басты назарда!
Әрбір оқушы жазғы демалысын қауіпсіз, қызықты әрі көңілді өткізу үшін қауіпсіздік ережелерін сақтауы қажет.