ҚАУІПСІЗ БАЛАЛЫҚ ШАҚ - БАҚЫТТЫ БОЛАШАҚ КЕПІЛІ

Жетісай ауданының білім бөліміне қарасты "N11 “Жеңіс” МГ-ның 9-сынып оқушыларымен құқық бұзушылықтың алдын алуға орай профилактикалық жиын өткізілді. Жиынның негізгі мақсаты – оқушылардың құқықтық сауаттылығын арттыру, заң талаптарын құрметтеуге тәрбиелеу, құқық бұзушылықтың салдарын түсіндіру және тәртіпке баулу, “Қауіпсіз балалық шақ” концепциясын іске асыру. Жиын барысында мектеп инспекторы полиция лейтенанты Ж.Ануарбек оқушыларға құқық бұзушылықтың түрлері, әкімшілік және қылмыстық жауапкершілік туралы түсіндірді. Мектеп директоры Г.Койтанова білім алушыларды мектептің ішкі тәртіп ережелерін сақтауға, қоғамдық орындағы мінез-құлық мәдениеті, әлеуметтік желідегі қауіпсіздік жөнінде мұқият болуға шақырды. ДТЖЖО К.Баймурзина мен педагог-психолог Р.Нуридинова оқушыларға заңды құрметтеу, дұрыс шешім қабылдау дағдыларын қалыптастыру жөнінде кеңестер берді. Жиын барысында сұрақ-жауап ұйымдастырылып, оқушылар өздерін толғандырған сұрақтарына жауап алды. Тәрбиелік мәні бар бейнероликтер көрсетіліп, жағдаяттық мысалдар арқылы оқушыларға құқық бұзушылықтың алдын алу – оқушының жеке жауапкершілігі екені түсіндірілді.