«Білім басы бастауышта қаланар, білімменен әлемге жол салынар»

«№11 «Жеңіс» мектеп-гимназия» коммуналдық мемлекеттік мекемесінде 15-20 қараша аралығында «Білім басы бастауышта қаланар, білімменен әлемге жол салынар» тақырыбымен бастауыш сынып бірлестігінің пән апталығы болып өтті. Оқушылардың тілін дамытумен қатар, сөйлеу мәдениетін, ой-өрісін, таным белсенділігін, дүниетанымын кеңейту, шығармашылық белсенділігін арттыруды мақсат еткен апталықта бастауыш сынып оқушылары мен мұғалімдері ерекше көңіл-күймен көзге түсті. Әсіресе бірінші сыныптар арасында өтілген «Ертегілер еліне саяхат» атты шарада бүлдіршіндеріміз өз өнерімен көрермендердің жүрегін жаулап алды. Апталық кезінде өткізілген барлық ашық сабақтар мен іс-шаралар жоғарғы деңгейде өтіліп, мектеп әкімшілігі атынан алғыс білдірілді. Сонымен, тағылым мен мазмұнға бай болған «Білім басы бастауышта қаланар, білімменен әлемге жол салынар» атты апталық жұмысы өз мәресіне жетіп, қорытындыланды.