БІЛІМ МЕНІҢ БОЛАШАҒЫМ!

Жетісай ауданының білім бөліміне қарасты “N11 “Жеңіс” мектеп- гимназиясында педагог-психолог, кәсіби бағдар беруші педагог және сынып жетекші бірлескен жұмыс жоспарына сәйкес 11 сынып оқушыларымен тренинг өткізді. 

Тренингті ұйымдастырудағы басты мақсат: Оқушылардың оқу мотивациясын арттыру, жауапкершілік сезімін нығайту және ҰБТ-ге дайындық барысында өзін-өзі дамыту дағдыларын қалыптастыру. 

Тренинг барысында білім алушылар жаттығуларға белсенді қатысып, білімнің өмірдегі рөлі мен маңызы туралы түсініктері кеңейді. Білімді меңгеру - қазіргі заманда табысты және тұрақты өмір сүрудің басты шарты деген пікірлерін ортаға салып, ой бөлісті. Жарқын болашаққа бағытталған өз мақсаттарын SMART принципімен жүзеге асырудың нәтижелі болатынын ұғынды.