РАМАЗАН - СПОРТ ШЕБЕРІНЕ ҮМІТКЕР ЖАС ЧЕМПИОН

Нәзір Рамазан – үстел теннисінен спорт шеберлігіне үміткер, жастар арасында Қазақстан Республикасы құрамасының мүшесі. Қазақстан Республикасы ұлттық құрамасымен елдің намысын шетелдерде қорғаған мықты спортшы. Атап айтар болсақ, Ресей, Өзбекістан, Қырғызстанда өткізілген Халықаралық жарыстарда жүлделі орындарды иеленген. Бішкек қаласында бес ел - Қазақстан, Өзбекстан, Қырғызстан, Түркменістан және Иран мемлекеттері арасында өтілген Азия ойындарына іріктеу турнирінде жүлделі 3 орынды иеленген. Өзбекстан Республикасының Ташкент, Андижан, Наманган қалаларында, Ресей Федерациясының Екатеринбург қалаларында өтілген Халықаралық жарыстарда жүлделі орындар иеленді.
Мектеп мақтанышы Рамазанға ел намысы жолында толағай табыстарға жете беруіне тілек білдіреміз. Рамазанның кәсіби біліктілігін шыңдаған тренері Есімханов Ержан Болатбекұлына және қолдау мен демеу білдірген ата-анасына алғысымыз шексіз.
Құрметпен, сынып жетекшісі Жасұзақов Ержан Сайлауұлы.