ОБЛЫСТЫҚ МҰҚАҒАЛИ ОҚУЛАРЫ ЖЕҢІМПАЗЫН ҚҰТТЫҚТАЙМЫЗ!

Бүгін республикалық Мұқағали Мақатаев оқуларының облыстық кезеңі өтті. Байқаудың "Жыр сәулесі көкірегімде маздайды..." айдарына №11 "Жеңіс" мектеп-гимназиясының 11 сынып оқушысы Ниязбек Айзада қатысып, бүгін жүлделі ІІІ орын иегері атанды. Айзаданы жеңімпаз атанған қуанышымен құттықтай отырып, шығармашылық жолының сәтті болуын тілейміз! Айзаданың жетекшісі қазақ тілі мен әдебиеті пәнінің мұғалімі А.Құмарбековаға дарынды шәкірттерді қанаттандыруда талмай еңбек ете беруіне тілектеспіз! Қасиетті Ордабасы ауданында өткен бүгінгі жыр бәйгесіне жас ақын Айзаданы апарып, қолдау білдірген қазақ тілі мен әдебиеті бірлестігінің жетекшісі Қ.Жақсылықоваға алғыс айтамыз!