"Ясауитану"

МЕРЕЙГЕ СӘТТІЛІК ТІЛЕЙМІЗ!
Бүгін Түркістан қаласы Н.Оңдасынов атындағы мамандандырылған мектеп-интернатының базасында дәстүрлі "Ясауитану" Республикалық байқауының облыстық кезеңі өтуде. Байқаудың мақсаты: қазақ халқының рухани тұтастығын қалыптастырған Қожа Ахмет Ясауи бабамыздың хикметтерін насихаттау. Байқауға 6-10 сынып аралығындағы оқушылар қатысуда. Байқау 2 кезеңнен тұрады. І-кезеңнің мақсаты: оқушылардың хикметтерін қаншалықты деңгейде игергендігін, зейін мен зерде қабілетін сынға салу.
ІІ- кезеңнің мақсаты: Әзірет Сұлтан Қожа Ахмет Ясауидің өмірі, шығармашылығы, хикметтегі ұғымдар, кесененің және ондағы жәдігерлердің тағылымдық мәні жайлы қатысушылардың білімдерін сарапқа салу, оқушылардың ойлау деңгейін, хикметтердегі рухани ұғымдарды қаншалықты түйсінгендігін айқындау.
Облыстық кезеңге 17 аудан мен мамандандырылған білім беру ұйымдарынан жалпы саны 50 оқушы қатысып бақ сынауда. Аудан намысын қорғап жатқан қатысушы
10 "Г" сынып оқушысы Пантай Мерей мен жетекшісі Разия Орынбасарқызына сәттілік тілейміз!