"ОҚУҒА ҚҰШТАР МЕКТЕП"

N11 "Жеңіс" мектеп -гимназия" коммуналдық мемлекеттік мекемесінде 4 "Б" сынып оқушылары «Оқуға құштар мектеп» жобасын жүзеге асыру мақсатында Асықата аймақтық балалар кітапханасына барып ондағы ертегілер мен көркем әдебиеттермен танысты.Ондағы мақсат жас буынды кітап оқуға қызығушылығын арттыру, өзі оқитын көркем әдебиет шығармамен бөлісіп насихаттау, оқушыларды кітап оқу өнеріне, дүниетанымын кеңейтуге, оқыған кітаптарының, көркем шығармалардың тамашалығын сезінуге, оқығандарын дұрыс бағалай алуға, өмірде, еңбекте, оқуда, кітапты дұрыс пайдалануға баулуды үйрету болатын. Сонымен қатар кітапханашы Гулмира апайдың Тәуелсіздігіміздің 30 жылдығы және желтоқсан оқиғасының 35 жылдығына байланысты айтылған ел еркіндігі үшін құрбан болғандардың оқиғаларымен жақын танысты.Оқушылар Тәуелсіздік жайында өз ойларын айтып,желтоқсан құрбандарына және Тәуелсіздікке арнап өлеңдер оқыды.
Сонымен қатар кітапханашы:
Кітапты таңдап талғап оқи білу, алған әсеріңді өмір қажетіңе жарата білу – әрбір адамның білігі мен білімін, пайымы мен парасатын айқындайтын алғы шарттардың бірі екенін айта кетті. Өскелең ұрпаққа кітаптан асқан байлық, кітаптан асқан асыл қазына жоқ, дәл қазіргі уақыттан бастап кітап оқуға өздеріңізді бейімдеңіздер- деді оқушыларға.
“Артық білім кітапта, Ерінбе оқып көруге”, – деп ұлы ақынымыз Абай Құнанбайұлы жырлағандай ерінбей білім алуға асығайық. Бар білімнің патшасын тек кітаптан ғана таба алатынымызды ұмытпайық!