МЕКТЕПІШІЛІК ОҚЫТУ СЕМИНАРЫ ӨТТІ

Бүгін мектепте «Білім берудегі жасанды интеллект: мүмкіндіктері мен практикалық қолданылуы» тақырыбында мектепішілік оқыту семинары өтті.
🖱️ Семинардың мақсаты – педагогтердің заманауи цифрлық технологиялар мен жасанды интеллект құралдарын тиімді пайдалану дағдыларын жетілдіру, білім беру үдерісіне инновациялық тәсілдерді енгізу.
🖨️Іс-шара барысында қатысушыларға жасанды интеллекттің білім беру саласындағы рөлі мен әлеуеті туралы өзекті ақпарат теориялық және практикалық мазмұнда ұсынылды.
Семинар спикерлері — А.Аширханов, А.Оспанова және И.Әмзе — тәжірибе негізінде жасанды интеллектті сабақ жоспарлау, оқушының жеке қабілетін бағалау және оқу процесін дараландыруда қолданудың нақты мысалдарын ұсынды.
Сондай-ақ мұғалімдерге арналған пайдалы онлайн платформалар мен цифрлық құралдар таныстырылып, практикалық бөлімде қатысушылар өз тәжірибесінде қолдануға болатын әдістерді пысықтады.
💾Семинар соңында мектеп директоры Г.А.Койтанова іс-шара ұйымдастырушылары мен қатысушыларына кері байланыс беріп, осындай оқыту шараларының кәсіби дамуға зор үлес қосатынын атап өтті.
💻Бұл іс-шара педагогтердің жаңа технологияларды меңгеру арқылы білім сапасын арттыруға бағытталған жүйелі жұмыстың бір бөлігі болып табылады.